O Colexio Oficial de Enxeñeiros Técnicos Forestais de Galicia emitiu un comunicado ante un artigo de opinión no que o presidente da Organización Galega de Comunidades de Montes, Xosé Alfredo Pereira, acusaba ó Colexio de Enxeñeiros Técnicos Forestais de estar detrás dun presunto intento de restrinxir a participación de parte dos comuneiros nas xuntas rectoras das comunidades de montes. En concreto, Pereira sostiña que se quería apartar das xuntas reitoras a aqueles comuneiros sen coñecementos forestais, unha cuestión da que culpaba ó Colexio.
Ante esa acusación, o Colexio de Enxeñeiros Técnicos Forestais emitiu o seguinte comunicado:
Comunicado oficial do Colexio Oficial de Enxeñeiros Técnicos Forestais de Galicia
En relación co artigo de opinión publicado con data do 22/08/2018 en www.campogalego.com , por Xosé Alfredo Pereiras, Presidente da Organización Galega de Comunidades de Montes, no que se fai mención expresa ao Colexio Oficial de Enxeñeiros Técnicos Forestais de Galicia, a Xunta de Goberno e a Xerencia deste Colexio Profesional fan constar que dita información é totalmente FALSA, non correspondendo con ningunha acción nin proposta desenvolta pola nosa entidade.
Descoñecemos a fonte de información utilizada pola Organización Galega de Comunidades de Montes para a elaboración deste artigo, e expresamos a nosa sorpresa ante a improcedencia de dita publicación.
O Colexio Oficial de Enxeñeiros Técnicos Forestais de Galicia sempre estivo e está aberto a interlocución con calquera entidade do sector forestal, sendo sempre absolutamente transparentes na nosa actuación.
Solicitamos a rectificación desta información falsa polos responsables, reservándonos o dereito de executar as accións legais que foran oportunas.
Finalmente, fanse constar as plenas atribucións profesionais dos Enxeñeiros Técnicos Forestais e Graduados en materia Forestal na xestión de calquera propiedade forestal, incluidas as Comunidades de Montes.
Por xente como este señor, o tal Xosé Alfredo Pereiras, o monte está como está. Son desa clase de supremacistas do monte que pensan que eles sempre saben máis que o resto e anulan a calquera outra voz cando os rebaten con argumentos mentindo e liando ao persoal, buscando xustificar a súa existencia.
Que eu saiba, ata onde chega o desempeño da miña profesión, os enxeñeiros de montes e o os forestais sempre traballan man a man coas comunidades de montes respectando os seus intereses e a vontade das asembleas, aportando criterios técnicos de produtividade e conservación do monte, como ten que ser. De feito, a diferenza de outros enxeñeiros, os forestais destacamos por estar máis preto da xente, respectando os coñecementos do monte que teñen os comuneiros.
Este señor debe pisar poucas asembleas porque o importante traballo que realizan as directivas e na maior parte dos casos pouco agradecido e desprestixiado polo maior parte dos comuneiros, polo que pouco interese pode haber en meterse nelas, sobre todo cando, como xa dixen, se traballa asesorando e respectando o que deciden.
O que non entendo é como a Organización Galega de Comunidades de Montes non reprende a este mentiroso por verter acusacións sen fundamento, salvo que sexa porque se convertiu nun chiringo para manter a uns cantos, como outros moitos que hai polo país.