Data inicio: 23/04/2016
Data fin: 30/04/2016
Lugar: Bemil, Caldas de Reis, Pontevedra, España
Caldas de Reis acollerá o sábado 23 de abril e o sábado 30 sendos cursos de iniciación ó resinado de piñeiros. A actividade está organizada e impartida por Edgar Fernández, un dos resineiros que traballa en Galicia.
Os cursos contarán á mañá cunha parte teórica, que se impartirá no centro sociocultural de Bemil (Caldas) e con outra práctica, á tarde, que se fará en piñeiros da comunidade de montes de Bemil, que colabora na iniciativa.
A actividade vai dirixida tanto a aquelas persoas que estean interesadas en adicarse á resinación de piñeiros como a comunidades de montes que estean a pensar en iniciar este aproveitamento. Cada un dos cursos ten 10 prazas dispoñibles e o prezo de inscripción é de 20 euros.
Para máis información, pódese consultar a web dos cursos.