Galego
España reducirá previsiblemente a súa produción durante o próximo trimestre en arredor dun 2 por cento. É a consecuencia das axudas para diminuir as entregas de leite que vén de facer públicas a Comisión Europea. En España, houbo 1.567 granxas solicitantes, que se comprometen a vender 31.044 toneladas menos que durante o mesmo trimestre do ano pasado. Por autonomías, Galicia acumula a metade das solicitudes, con 781 e 10.481 toneladas de redución.
Cada explotación galega que participa no esquema de redución da produción comprometeuse a reducir unha media de 13.400 quilos, o que lle suporá uns ingresos duns 1.875 euros (a razón de 0,14 euros por litro que deixa de producir).
En Galicia, igual que no resto de España, só 1 de cada 10 granxas solicitaron a axuda.
Listado de solicitantes por autonomía
