Galego
O mellor touro de raza Frisona de España é galego. Trátase de Apina Delano, da empresa pública Xenética Fontao. Así se desprende das avaliacións xenéticas de CONAFE correspondentes ao mes de Novembro que se veñen de publicar esta tarde.
Apina Delano conseguiu un ICO de 3.738 puntos, o que o sitúa como líder de España tanto entre os 50 mellores touros españois como entre os 200 do catálogo de CONAFE. Nas probas de xuño Apina Delano conseguira un ICO de 3.625 puntos.
Ademais, Xenética Fontao apúntase o tanto de conseguir 8 dos 10 mellores touros españois, mellorando as súas posicións con respecto a xuño. Así, en segundo lugar, nas avaliacións xenéticas de CONAFE situouse Baixo Shottle Gerardo; en terceiro GP Minnesota ET; en cuarto Thos Planet Lion e en quinto Bos Seijo Bolton Torrel; todos de Xenética Fontao.
50 mellores touros españois do catálogo de novembro 2015:
Fonte: CONAFE
Apina Delano tamén lidera con diferencia a lista dos 200 mellores touros de Holstein de España, incluíndo aos procedentes de fóra do Estado. Así, sitúase en primeiro lugar, con case 200 puntos máis de ICO que o segundo da lista. A escasa distancia do segundo e terceiro clasificados, sitúase Baixo Shottle Gerardo, tamén de Xenética Fontao, con 3.467 puntos. A cuarta e a quinta posición deste listado tamén son ocupadas por touros da empresa pública galega: GP Minnesota ET e Thos Planet Lion.
200 Mellores touros do Catálogo novembro 2015
Fonte: CONAFE
Consulta aquí a lista dos 50 mellores touros españois das probas de CONAFE do mes de novembro.
Consulta aquí a lista dos 200 mellores touros do catálogo das probas de CONAFE de novembro.
