A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Esta solución permitirá o teletraballo nas empresas galegas durante o coronavirus

A operadora galega Grelo prioriza a posta en marcha de centralitas virtuais de teléfono para que o persoal de empresas poida traballar desde a casa utilizando o teléfono da oficina igual que se estivesen nos seus postos

Esta solución permitirá o teletraballo nas empresas galegas durante o coronavirus

Interior da sede de Grelo, en Betanzos. / Arquivo.

A expansión do coronavirus está a obrigar a moitas empresas a modificar os seus hábitos de traballo. Medidas xa adoptadas nas comunidades con máis casos, como Madrid ou País Vasco, onde as empresas están a apostar polo teletraballo, están trasladándose a Galicia. Ante ese escenario, Grelo, a operadora galega de telefonía, puxo en marcha unha campaña para priorizar a posta en marcha de centralitas virtuais nas empresas galegas coas que traballa.

Teléfono IP.

Teléfono IP.

As centralitas virtuais permiten que os traballadores poidan seguir traballando desde a casa utilizando o teléfono da oficina exactamente igual que se estivesen no centro de traballo, cos mesmos números de extensión e coa posibilidade de facer, recibir e transferir chamadas sen necesidade de realizar ningunha instalación e sen ningún custo engadido para o traballador.

A firma galega de telefonía, que xa viña prestando o servizo de centralita virtual, está percibindo nos últimos días o interese dos seus clientes por implantar esta medida, que facilita o traballo a distancia. A operadora está orientando ás empresas sobre os sistemas que lles poden facilitar á transición ó teletraballo dun xeito que teña a mínima incidencia na actividade cotiá das firmas.

Máis información

[email protected]

Web de Grelo Comunicaciones

881 821 100

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información