Curso de viticultura organizado pola EVEGA

Vai dirixido a formar a aqueles persoas que inicien a súa actividade no eido da viticultura ou aos profesionais que queiran mellorar a súa formación cara a realización dunha viticultura máis sostible.

Publicidade
Curso de viticultura organizado pola EVEGA
Data inicio: 22/06/2015
Data fin: 29/06/2015
Lugar: OU-504, 32419 Leiro, Ourense, España

O vindeiro luns 22 de xuño a Estación de Viticultura e Enoloxía de Galicia organiza o curso de Aptitude Empresarial Agraria Vitivinicultura. Técnicas de cultivo.

Cun total de 30 prazas e 30 horas de duración vai dirixido a formar a aqueles persoas que inicien a súa actividade no eido da viticultura ou aos profesionais que queiran mellorar a súa formación cara a realización dunha viticultura máis sostible.

Entre os obxectivos do curso salientan o establecemento das pautas a seguir para o establecemento do viñedo así como para o manexo do solo máis axeitado a unha viticultura sostible; a aprendizaxe das técnicas de manexo do material vexetal: enxerto, formación da planta, poda, sistemas de condución; incidirase no uso sostible de fitosanitarios para a prevención e control de pragas e enfermidades da vide e, finalmente daranse a coñecer as posibilidades de diversidade varietal co que conta Galicia.

O curso desenvolverase entre o 22 e o 29 de xuño. A data de inscrición remata o día 19 de xuño de 2015 ou cando as prazas estean cubertas.

Consulta o programa e realiza a inscripción nesta ligazón. 

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información