Monterrei recibe a visita de 65 importadores de 20 países

O encontro enmarcouse nas actividades do salón Vinis Terrae, que se desenvolveu en Expourense

Monterrei recibe a visita de 65 importadores de 20 países

Visita dos importadores a Monterrei.

A denominación de orixe Monterrei recibiu a visita de 65 importadores e distribuidores de viño de 20 países, que se achegaron ó territorio da D.O. para coñecer as súas especificidades, así como os viños blancos e tintos que elabora.

A visita enmárcase dentro das actividades do salón Vinis Terrae, adicado ós viños e licores galegos, que se desenvolveu en Expourense. Os importadores foron recibidos polo presidente do Consello Regulador, José Antonio da Silva, que os acompañou ata o viñedo máis grande de Galicia, ubicado en Vilardevós, co obxectivo de que coñecesen o manexo que alí se practica. A continuación, visitouse a adega Alba Al-Bar, onde coñeceron o proceso de elaboración dos viños brancos e tintos. A xornada rematou cunha cea en Verín.

“Trátase dunha boa iniciativa que pemite que os importadores e distribuidores de diferentes zonas do mundo poidan coñecer os nosos viños”, destaca o presidente da denominación. Entre os profesionais que visitaron Monterrei, habíaos de Canadá, Estados Unidos, Mexico, Panamá, Colombia, Brasil, Bélxica ou Dinamarca.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información