A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Ucoga, premio Galicia Segura 2018

Ucoga, premio Galicia Segura 2018

Reunión do xurado dos premios Galicia Segura.

Ucoga, unha correduría de seguros galega especializada no ámbito agrogandeiro, obtivo o premio Galicia Segura 2018 á Mediación. O galardón, concedido pola Fundación Inade – Instituto Atlántico del Seguro, recoñece a “capacidade de Ucoga para convertirse no vertebrador da xerencia de riscos e do seguro no sector agroalimentario do norte de España”.

Ucoga, unha firma fundada no 2013 e integrada por unha ducia de cooperativas agrogandeiras de referencia en Galicia, é a primeira correduría que recibe o premio Galicia Segura na última década. Na lista de premiados desta edición do galardón, figura tamén o grupo asegurador Zurich, a asociación de corredores de seguros Aunna, o catedrático de Dereito Mercantil José Luis García Pita e o director xeral de Icea, José Antonio Sánchez Herrero.

No caso de Ucoga, o xurado subliña que o galardón recoñece a “contribución de Ucoga á mellora da gobernanza das cooperativas é á mellora da xestión de riscos nas explotacións gandeiras, así coma á regulación do transporte no sector agroalimentario”.

O acto de entrega dos premios Galicia Segura 2018, que contará coa presenza de autoridades e representantes do sector empresarial e do seguro, celebrarase o luns 14 de maio en Santiago. O premio está dotado dun diploma e unha medalla. A ceremonia de entrega vertebrará os actos oficiais cos que a Fundación Inade conmemorará o 110 aniversario da promulgación da primeira Ley del Seguro de España.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información