Xenética Fontao prevé dispor para finais de ano de seme sexado de dous novos touros

Xenética Fontao prevé dispor para finais de ano de seme sexado de dous novos touros

Luaces, un dos dous novos touros dos que Xenética Fontao ofertará seme sexado

A empresa pública Xenética Fontao prevé dispor para o mes de novembro de seme sexado de dous novos touros xenómicos con alto índice GICO, Luaces e Duran, que se sumarán aos dous dos que xa ofrece este produto aos gandeiros Stop e Leomarcos.

Jesús Vázquez, director xerente de Xenética Fontao, explica que “na primeira semana de agosto esperamos enviar a estes dous touros, Luaces e Duran, ao Reino Unido onde contamos cunha empresa colaboradora, Cogent, punteira a nivel mundial en seme sexado bovino”.

Estes catro touros xenómicos caracterízanse polo seu alto nivel, cun GICO que ronda de media os 4.000 puntos, e altas puntuacións en lonxevidade, produción e sólidos (graxa e proteína). “Agardamos que para novembro/decembro estean disponibles para os gandeiros as doses de seme sexado destes dous novos touros”, avanza Jesús Vázquez.

O prezo das doses variará entre os 20 e os 28 euros e comercializarase a través das canles habituais, priorizando as explotacións lácteas que forman parte dos Africores e as radicadas en Galicia.

“Nos próximos anos o GICO cambiarase de novo para reforzar a lonxevidade e a produción de sólidos”

Polos demais, o director xerente de Xenética Fontao, destaca que o cambio realizado hai un ano no ICO por parte de CONAFE para primar os caracteres de lonxevidade das vacas e a produción de sólidos lácteos (graxa e proteína) “reforzarase dentro duns anos cun novo cambio do ICO”. “A reorientación do ICO -subliña- está sendo progresiva e moderada, pero vaise reforzar porque as calidades están sendo primadas no prezo do leite”.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información