Galego
A IX Poxa de Xovencas de Raza Frisoa que organizaron o Concello de Mazaricos, Africor Coruña e Gandeiros de Mazaricos, celebrada este domingo na Picota, congregou a un numeroso público, aínda que os resultados das vendas foron regulares, reflexo da situación de incerteza do sector produtor ante os baixos prezos do leite.
Presentáronse un total de 18 xovencas de raza Frisoa procedentes principalmente de ganderías da comarca do Xallas. Finalmente vendéronse 11 a un prezo medio de 2.177 euros. O prezo máis alto foi para Saamil Navy Vane, vendida por 2.500 euros, procedente de Gandería Saamil, de Toques (A Coruña), unha xovenca de pai Observer Navy e con nai Xacobeo Heidi.
