Galego
Este domingo ás 11 da mañá terá lugar a XVIII edición da Poxa de Gando Frisón de Santa Comba, no Recinto Feiral Multiusos, organizada por Africor-Coruña e Concello de Santa Comba. Foron preseleccionados 27 animais, procedentes de 15 ganderías da provincia da Coruña, inscritas en Control Leiteiro e no Libro Xenealóxico.
A compra-venda está subvencionada con 150 euros por cada transacción e inclúe o traslado dos animais ata a gandería de destino. Ademais, cada comprador recibirá tamén 3 doses de seme dos touros “Armónico” e “Clun”, de Xenética Fontao, e 10 rifas para participar no sorteo dunha tenreira.
Consulta aquí o catálogo dos 27 animais que se poxarán.
Rematada a poxa, haberá unha degustación de asado de tenreiro frisón, preparado polo chef vasco Karlos Ibarrondo, coa técnica do “burduntzi”, asado lentamente sobre as brasas.
