Reábrese a posibilidade de queimas de restos agrícolas e forestais

Desde este martes 28 poderanse realizar as comunicacións e solicitudes de autorización a través do teléfono 012

Publicidade
Publicidade
Reábrese a posibilidade de queimas de restos agrícolas e forestais

O tempo seco e soleado impediu reabrir as queimas ata o de agora.

As queimas de restos agrícolas e forestais amoreados, que permanecían suspendidas polas adversas condicións meteorolóxicas, poderán solicitarse de novo a partir de mañá, martes 28 de novembro. Medio Rural decidiu reabrir a posibilidade de facer queimas ante a baixada do risco de incendios forestais.

As persoas que desexen queimar restos agrícolas amoreados deberán comunicalo a través do teléfono 012 con dous días de antelación. No caso de queimas de restos forestais amoreados, deberase solicitar unha autorización con alomenos 7 días de antelación e un axente visitará o lugar para emitir o correspondente permiso.

As primeiras queimas de restos agrícolas, por tanto, poderanse facer a partir do xoves 30 de novembro. En calquera caso, a Consellería lembra que en días de vento e altas temperaturas, tanto as comunicacións como as autorizacións perden a súa validez.

Recomendacións
Lembramos algunhas das principais cuestións a ter en conta á hora de efectuar queimas de restos amoreados.

– Antes de iniciar o proceso, hai que limpar unha franxa perimetral de 5 metros ó redor da fogueira.

– En caso de vento, non se poderá prender a fogueira. Se o vento comezase despois de prendida, haberá que apagala.

– Débese vixilar o lume e non se pode abandonar a fogueira ata dúas horas despois de extinguida, a fin de evitar que se reproduzan as lapas.

– Dado o risco que leva consigo o lume para a seguridade persoal, as queimas deben facelas un mínimo de dúas persoas.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información