Axudas de Europa para os gandeiros afectados pola forte seca

Publicidade

O mapa da seca en Europa:

SECA EUROPA

Os Estados membros da Unión Europea acordaron este mércores un conxunto de medidas de apoio propostas pola Comisión para aliviar as dificultades financeiras ás que se enfrontan os agricultores e gandeiros debido ás condicións meteorolóxicas adversas, así como incrementar a dispoñibilidade de pensos para os animais.

A situación de forte seca afecta especialmente a Alemaña, Holanda, Bélxica e Polonia, todos eles cunha importante cabana de vacún de leite.

As medidas que os Estados membros acordaron hoxe nunha reunión de comisión inclúen a posibilidade de aumentar os pagos anticipados e varias excepcións puntuais ás normas de ecologización co fin de axudar aos agricultores e gandeiros a proporcionar pensos suficientes aos seus animais.

Os afectados poderán recibir unha porcentaxe maior dos seus pagos da Política Agrícola Común (PAC) para mellorar o seu fluxo de caixa. Isto inclúe o seguinte:

·O cobro de até o 70 % dos seus pagos directos a mediados de outubro.
·O cobro do 85 % dos seus pagos de desenvolvemento rural tan axiña como o paquete de medidas se adopte oficialmente a principios de setembro.

Tamén se autorizarán excepcións a determinadas normas de ecoloxización para aumentar a dispoñibilidade de pensos. Isto inclúe as posibilidades de:

· Considerar a terra en barbeito como un cultivo distinto ou como unha superficie de interese ecolóxico, aínda que servise para o pastoreo ou fose cultivada.
·Sementar «cultivos intercalados» como «cultivos puros» (e non unha mestura de cultivos, como se esixe na actualidade) se se destinan ao pastoreo ou a produción de forraxes.
·Acurtar o período mínimo de oito semanas para os cultivos intercalados, a fin de que os produtores de cultivos herbáceos poidan sementar os cultivos de inverno en tempo oportuno despois dos cultivos intercalados.

Próximas etapas

Tras a votación de hoxe, este conxunto de medidas debería quedar adoptado oficialmente a principios de setembro.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información