Adaptación dos tractores aos novos límites de emisións

Jesús Montoro, responsable de tractores de Alta potencia de John Deere Ibérica, explica a adaptación dos tractores á nova normativa de emisións contaminantes. Participou na EFA Fonteboa nas "Xornadas de Maquinaria Agrícola. Sustentabilidade ambiental: eficiencia enerxética e a conservación do solo".

Publicidade
Adaptación dos tractores aos novos límites de emisións

Charla de Jesús Montoro na EFA Fonteboa

Todos os motores, xa sexan de gasóleo, gasolina, propano ou gas natural, producen gases de escape que conteñen monóxido de carbono (CO), hidrocarburos (HC), partículas contaminantes (PM) e óxidos de nitróxeno (NOx). Como resultado da crecente preocupación polo medioambiente, as autoridades de Europa, Xapón e os Estados Unidos acordaron implantar unha normativa de emisións para os motores de estrada, e máis recentemente, para os motores diésel de tractores.

A implantación da normativa europea de redución de emisións empezou cos tractores novos de maior potencia. En concreto, a normativa Fase III B, que entrou en vigor o 1 de xaneiro de 2011, foi para todos os vehículos con potencias superiores a 130 kW (174CV) ata 559 kW (779 CV). A seguinte fase de normativa de emisións dende o 1 de xaneiro de 2012 afecta aos vehículos con potencias dende 75 a 129 kW (100 a 174 CV).

O cambio á normativa de emisións Fase III B é incuestionablemente o máis importante introducido ata a data. A normativa esixe unha redución do 90 por cento en contido de partículas (PM), e unha redución do 50 por cento en óxidos de nitróxeno (NOx). A normativa de emisións Fase IV, para tractores de potencia inferior a 100 CV, entrou en vigor en xaneiro de 2015 e reduce as emisións de PM e NOx a niveis de case cero.

Solucións no mercado para cumprir a normativa de emisións:

-SCR: Redución catalítica Selectiva mediante urea que elimina as partículas de NOx, converténdoas en vapor de auga e nitróxeno.

-EGR (Recirculación de Gases de Escape) +DPF (Filtro de Partículas Diesel )+SCR: A Recirculación de Gases de Escape (EGR) consiste en grandes trazos en que os gases queimados se arrefrían e volven entrar á emisión para reducir a xeración de partículas de NOx. Ao baixar a temperatura de combustión permite xerar menos óxidos de nitróxeno á vez que se xeran maior numero de partículas inqueimadas (PM). Iso obríganos a poñer un DPF, un filtro que se vai limpando automaticamente e que soluciona o problema das partículas xeradas.

Estes sistemas de redución de emisións tamén foron encarecendo os motores dos tractores.

Beneficios dun motor cos tres sistemas:

A sensación dos agricultores é que un motor actual ten unha potencia menos explosiva que os de antes, cando o motor ante unha carga inesperada era capaz de inxectar máis gasóleo e así conseguir unha mellor e máis rápida transferencia en potencia, o que tamén ía asociado a un peor consumo de combustible (fume negro).

motor_emisions

Autor: Editorial Agrícola

Pola contra, agora o motor esta controlado por unha central que lle regula o nivel de gasóleo que pode ser inxectado para evitar a aparición de PM e NOx no aire. Isto fai que a transferencia de potencia sexa un pouco menor, pero grazas ao sistema EGR+DPF+SCR conséguese unha resposta mais rápida do motor.

A solución pola que se está a optar na Fase IV para lograr unha mellor resposta transitoria do motor é utilizar un filtro de partículas e urea para reducir as partículas e o NOx, respectivamente. Esquematicamente, co novo sistema o aire sae do motor; despois pasa polo turbo; a continuación polo filtro de partículas, e despois inxéctaselle urea e prodúcese unha reacción catalítica que atrapa o óxido de nitróxeno, antes de saír polo tubo de escape.

Esta tecnoloxía combinada permite tamén unha maior amplitude de temperatura de combustión.

Que tecnoloxía consume máis?

A tecnoloxía EGR+DPF representa un maior consumo de diesel pero un menor consumo total de fluídos (Diesel + Urea). Isto é debido a que a temperatura de combustión é máis baixa. Coa urea subimos temperatura e aforramos en diesel. Iso si, temos que comprar urea.

Nun motor con só SCR o consumo de urea pode roldar o 6%-9%, mentres que un motor que combine EGR+DPF+SCR se pode baixar ata o 2%-3%.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información