A USC súmase á conmemoración do Ano Internacional dos Solos

Para crear 1 centímetro de solo precísanse 200 anos, pero abonda cunhas horas para destruílo.

Publicidade
A USC súmase á conmemoración do Ano Internacional dos Solos

Un acto académico na Facultade de Bioloxía este mércores abriu a conmemoración do Ano Internacional dos Solos 2015 na Universidade de Santiago de Compostela.

A conmemoración do Ano Internacional dos Solos 2015 é unha iniciativa a prol da plena concienciación da sociedade e a quen ten a responsabilidade na toma de decisións sobre a importancia do solo para a vida humana xa que se trata dun recurso non renovable e que desempeña un papel básico para a seguridade alimentaria.

No acto inaugural, o director do Departamento de Edafoloxía e Química Agrícola da USC, Eduardo García-Rodeja Gayoso, lembrou que “debemos a nosa existencia a 10 centímetros de capa superficial de chan e ao feito de que chove”.

Pola súa parte, a directora do Instituto de Investigacións Agrobiolóxicas de Galicia, Carmen Trasar Cepeda, lamentou que “o solo é o gran descoñecido”. “Así como a sociedade é cada vez máis consciente da auga para a vida no planeta, e de evitar a contaminación atmosférica, sen embargo , o solo séguese considerando un mero substrato, no que cultivamos ou construímos a nosa vivenda”, asegurou.

Na mesma liña incidiu a presidenta da delegación de Galicia da Sociedade Española da Ciencia da Solo (SECS),  Montserrat Díaz Raviña, quen advertiu de que “o solo atópase moi ameazado polas malas prácticas agrícolas e silvícolas”. Neste sentido, lembrou que “para crear 1 centímetro de solo precísanse 200 anos, pero abonda cunhas horas para destruílo”.

Pola súa banda, o secretario xeral de Medio Rural e Montes, Tomás Fernández-Couto, salientou na súa intervención a importancia socioeconómica do solo para a sociedade galega “xa que a produción agroalimentaria está a ser un sector moi importante de resistencia á crise en Galicia”. Do mesmo xeito, lembrou que “case o 60% das cortas de madeira que se fan no Estado son en Galicia, e dun xeito sustentable, aportando máis de 260 millóns de euros anuais aos silvicultores”.

Por último, o reitor da USC, Juan Viaño, pechou o acto salientando que “os solos son un recurso único e a súa conservación é especial para a nosa seguridade, especialmente a alimentaria”.

Con anterioridade ao acto académico, José Antonio Vega, do Centro de Investigación Forestais de Lourizán, pronunciou a conferencia ‘A conservación do solo, clave da xestión forestal sostible de Galicia’. A xornada completouse coa inauguración da exposición itinerante na que a SECS propón un achegamento a relación entre ‘Los Suelos y la Biodiversidad Forestal’ e que se poderá visitar na sede do Museo de Historia Natural da USC.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información