Prosegue a tendencia á baixa dos prezos nas mesas de Amio

As mesas de prezos de Amio (Santiago) continuaron unha semana máis coa tendencia á baixa nas cotizacións de Ternera Gallega e dos becerros de recría. A baixada estacional da demanda e o aumento da oferta explican a caída que vén sufrindo desde comezo de ano a cotización dos animais en Ternera Gallega, esta semana entre 3 e 4 céntimos por quilo, se ben agárdase unha próxima recuperación.

En becerros de recría, os prezos caíron 5 euros por quilo, en tanto en vacún maior e gando de abasto mantéñense as cotizacións da semana anterior.

No que respecta ó mercado de gando de Amio, na sesión de onte entraron 2.204 reses, 220 menos que na feira pasada. Houbo 1.703 cabezas de vacún menor, 240 de vacún mediano e 254 de vacún grande.

Informe completo das cotizacións de Amio (22-4-2015)

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información