Convocadas eleccións en Acruga para o 19 de maio

Convocadas eleccións en Acruga para o 19 de maio

Subasta organizada por Acruga. / Arquivo.

A xunta directiva da Asociación de Criadores de Raza Rubia Galega, Acruga, acordou convocar eleccións para o sábado 19 de maio deste ano. Acruga informará aos seus máis de 1.100 socios con dereito a voto, dos 1.900 criadores que integran a asociación, mediante cartas, que comezaron a enviarse esta semana.

Segundo establece o regulamento dos estatutos da asociación elixirase unha candidatura que conteña os cargos de presidente, vicepresidente, secretario, tesoureiro, interventor e un número de vogais non inferior a dous nin superior a seis, para dirixir Acruga durante o próximos catro anos.

A presentación de candidaturas, aberta a calquera socio, realizarase entre os días 16 e 20 de abril, para o día 24 dese mesmo mes resolver o número de candidaturas aceptadas. O período de campaña electoral desenvolverase entre os días 4 e 18 de maio.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información