Xornada sobre o cooperativismo nos montes veciñais

Publicidade
Data inicio: 18/06/2015
Data fin: 18/06/2015
Lugar: Casa Mancomunada de Montes en Lavandeira, Ponte Barxas (Padrenda, Ourense)

A Asociación Galega de Cooperativas Agroalimentarias (Agaca) celebra este xoves unha xornada en Padrenda (Ourense) para abordar a potencialidade dos montes veciñais na xeración de emprego cooperativo. O acto está aberto a todas as persoas que poidan estar interesadas en emprender un negocio cooperativo e centrarase en abordar as posibilidades do cooperativismo nos montes veciñais, tanto no referente a producións forestais como doutro tipo.

Está prevista a participación do técnico de Agaca Tomás Gómez, que falará sobre a xestión cooperativizada dos montes veciñais, e dunha técnica de Aceites Abril, Manuela González, que exporá as posibilidades das plantacións de oliveiras nos montes de Ourense. Tamén está prevista a intervención de produtores cooperativistas.

Deixa unha resposta

O teu enderezo electrónico non se publicará Os campos obrigatorios están marcados con *