Un mel ecolóxico da Baixa Limia, elixido o mellor da Península Ibérica

Publicidade
Un mel ecolóxico da Baixa Limia, elixido o mellor da Península Ibérica

Amable Pérez Diz

Ecomel, un mel ecolóxico da comarca da Baixa Limia, en Ourense, foi elixido como o mellor mel escuro ecolóxico de España no II Concurso Hispanoluso de Meles Ecolóxicos que se celebrou este fin de semana en León.

Este certame congregou a participantes do país veciño e de oito comunidades autónomas españolas representadas por produtores procedentes de Portugal, Lugo, La Palma, Hierro, Tenerife, Toledo, A Rioxa, Tarragona, Xirona, Cantabria, Madrid, Segovia, Zamora e a provincia anfitrioa que presentaron a competición un total de 36 mostras.

A ficha de cata elaborada pola presidenta do concurso, presentaba once elementos a puntuar de 1 a 9 puntos cun máximo de 100 puntos. As puntuacións van desde a máis baixa que este ano foi 47 puntos para un mel con resto olfativo a fume, até os 99 puntos concedidos por 2 membros do xurado a unha mesmo mel. Todos os meles que foron puntuadas entre 80 e 89 son ‘Panal de Prata’. Estas son oito para os meles claros, e as que superaron os 90 puntos son ‘Panal de Ouro’.

Dentro da categoría de mel escuro conseguiron o «Panal de Prata»: La Abeja Azul do Bierzo, Valdorba de Navarra, Ladera de la Reina da illa da Palma (Canarias), De Osos y Colmeas de Sosas de Laciana, Miel de Melque de Toledo, Bosques del Torío de Vegacervera, Montesino de Bragança en Portugal, Salvaxe (queiruga) do Bierzo e Sovoral de Ourense.

A gañadora e premiada con 100 euros na categoría de meles escuros cunha puntuación de 90,28 (Panal de Ouro) é un mel cultivado na comarca da Baixa Limia , en Ourense, a unha latitude duns 1000 metros, dentro do parque natural transfronteirizo de Serra do Xurés. O produtor é Amable Pérez Diz e a explotación familiar ten a marca comercial «Ecomel». O mel gañador é de castiñeiro, silva e carballo dentro dun lote duns 3500 quilos.

Dentro da categoría de mel claro conseguiron o Panal de Prata: Ecoflor de Cantabria, Muria (tomiño), Puramiel de Madrid, Salvaxe (zarzamora) do Bierzo, Ambas as-Augas de Portugal, Nectarius de Guadalaxara e Sovoral de Ourense.

A gañadora e premiada con 100 euros na categoría de meles claros tras unha cualificación final de 89,14 puntos é un mel cultivado na illa de Hierro (Canarias).

A marca comercial é «Aromas de El Hierro» e as colmeas están situadas no pobo de Isora municipio de Valverde a unha altitude duns 900 metros. O produtor é Jonay José Fernández González e é unha explotación de terceira xeración. Este mel corresponde a un mel de tedera (Bituminaria bituminosa) dun lote duns 700 quilos que xa foi galardoada o pasado mes de novembro como o mellor mel de Canarias sen DOP.

A Oficina Verde da Universidade e a Consultora Apícola Urzapa impulsan esta cita que tamén contou coa colaboración da Asociación de Catadoras de León para preparar e presentar as catas, tanto para o xurado como para o público que puido degustar as diferentes mostras.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información