Redución de módulos do IRPF no agro, aplicable á declaración da renda do 2019

O Goberno publica unha orde que beneficia á maioría de sectores, incluído o vacún de leite, a gandería extensiva de carne e a apicultura. A medida busca paliar crises de mercado e os efectos das inclemencias meteorolóxicas en diversos puntos do país, a raíz de secas ou chuvias torrenciais

vacas producion

Gandeiros e agricultores terán que pagar menos na declaración da renda 2019, que xa se pode presentar. O Goberno publica hoxe no Boletín Oficial del Estado unha rebaixa dos módulos de IRPF no agro que beneficia á maioría de sectores gandeiros e agrícolas. Será aplicable, entre outros, ó vacún de leite, á gandería extensiva de vacún de carne, á apicultura e ás ganderías de ovino e cabrún

Esta rebaixa dos índices de rendemento neto é aplicable naqueles profesionais que tributen no sistema de estimación obxectiva do IRPF, coñecido popularmente como de módulos. É o maioritario en España no campo, pois suma un millón de declarantes no sector.

A bonificación, posta en marcha a proposta do Ministerio de Agricultura, trata de compensar ó agro por diversas crises de mercado (olivar, cítricos, etc.) e inclemencias meteorolóxicas que se sucederon no 2019 en distintas partes do país, como Danas (chuvias torrenciais) ou secas.

O Ministerio de Agricultura calcula que a aplicación da orde suporá unha rebaixa da base imponible de arredor de 614 millóns de euros para o sector agrario, “a maior cifra dos últimos cinco anos”, aseguran.

As reducións que se aplican a nivel estatal para a declaración da renda en curso son as seguintes:
 
Sectores gandeiros
– Bovino de leite de 0,20 a 0,18
– Bovino de cría extensivo de 0,26 a 0,18
– Bovino de carne extensivo de 0,13 a 0,09
– Ovino de carne extensivo de 0,13 a 0,09
– Ovino de leite de 0,26 a 0,18
– Caprino de carne extensivo de 0,13 a 0,09
– Caprino de leite de 0,26 a 0,18
– Porcino de carne extensivo de 0,13 a 0,09
– Porcino de cría extensivo de 0,26 a 0,18
– Apicultura de 0,26 a 0,13

Sectores agrícolas
– Cereais de 0,26 a 0,18
– Cítricos de 0,26 a 0,18
– Frutais non cítricos de 0,37 a 0,30
– Leguminosas de 0.26 a 0,18
– Oleaxinosas de 0,32 a 0,22
– Olivar de 0,26 a 0,13

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información