Recomendan tratar en viñedo contra os danos da saraiba e contra a excoriose

O Servizo de Información Agrometeorolóxica da Xunta de Galicia recomenda no seu último boletín realizar un segundo tratamento nos viñedos de Rías Baixas contra a excoriose. Asemade, controlar a presenza de caracois e de Pedroulo e para os danos provocados pola saraiba nalgúns viñedos.

Publicidade
Recomendan tratar en viñedo contra os danos da saraiba e contra a excoriose

Danos da saraiba nos gromos

Nos viñedos da Denominación de Orixe Rías Baixas amósanse condicións moi
propicias para o desenvolvemento da Excoriose (Phomopsis viticola Sacc) debido á persistencia das precipitacións e a parada vexetativa nos actuais estados fenolóxicos, sensibles á enfermidade.

En canto a outros organismos nocivos, detéctanse danos illados de Pedroulo, que se alimenta dos abrochos da vide, e de caracois, principalmente nas cepas novas.

Recomendacións

Realizar un segundo tratamento na campaña para o control de Excoriose. As materias activas rexistradas e autorizadas son: Folpet, Mancozeb, Metiram e Fluopicolida + Propineb.

Os produtos aplicados despois do estado fenolóxico E (follas estendidas) xa non teñen eficacia. Entre os anteriores, para os viñedos que tiveron danos por saraiba, recoméndase Folpet, polas súas propiedades cicatrizantes e antibotríticas.

Tamén é moi importante aplicar aminoácidos á vexetación para mitigar os danos provocados polas malas condicións meteorolóxicas.

En cepas novas con presenza de caracois, é importante mantelas limpas de malas herbas, eliminando os caracois presentes na cepa e no sistema de empalizada.

Se se detectase Predroulo nun rodal do viñedo, tratarase nesa zona cun insecticida autorizado no cultivo.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información