Publican un libro sobre o veterinario Juan Rof Codina

“Juan Rof Codina. Renovación na veterinaria e gandaría galega contemporánea” está publicado por Xerais.

Publican un libro sobre o veterinario Juan Rof Codina

.

Os cambios que se produciron no campo galego entre o século XIX e o XX, non poden ser entendidos sen o coñecemento da labor de persoas e colectivos, que loitaron por introducir e difundir no noso país os novos progresos técnicos que viñan do resto de España e Europa, sacando a Galicia da crise agraria de fins do século XX.

Neste libro que ven de publicar Xerais, o autor, Diego Conde Gómez, fai un percorrido sobre as transformacións que durante este período se levaron a cabo na Gandaría e Veterinaria galega, de mans do que foi un dos seus principais promotores, Juan Rof Codina (1874-1967).

Co seu labor pedagóxico soubo canalizar as inquedanzas de renovación que agromaban no ámbito agropecuario, e reivindicar o papel protagonista que a profesión veterinaria demandaba para a súa dignificación. Nesta obra pioneira nos traballos históricos sobre a Veterinaria galega faise un estudo crítico e multidisciplinar da figura do que ata agora estaba considerado como o factótum dos progresos técnicos e da mellora da gandaría galega.

Unha obra, pois, onde se recolle e se pon en valor, non só a obra hemerográfica de Rof Codina, senón que tamén se recupera unha parte importante da memoria gráfica para a historia agropecuaria galega, a través das achegas do seu fondo fotográfico.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información