Programa das vindeiras xornadas de Africor Lugo

Terán lugar o 5 de marzo na Facultade de Veterinaria de Lugo, onde gandeiros con máis de 500 vacas de Italia e Galicia exporán a súa maneira de traballar

Data inicio: 05/03/2020
Lugar: Facultade de Veterinaria, Avenida Carvallo Calero, Lugo, Spain

As Xornadas Africor Lugo de produción de leite deste ano analizarán cuestións como a toma de datos ou a xestión do persoal nas ganderías, aspectos clave para o bo funcionamento dunha explotación na actualidade e que cobran maior importancia a medida que as ganderías incrementan o seu tamaño.

Por iso, o día 5 de marzo no auditorio da Facultade de Veterinaria de Lugo poderá coñecerse o funcionamento diario e a organización do traballo en dúas explotacións con máis de 500 vacas en muxidura, unha delas italiana e outra da provincia de Lugo. Christopher Ferri, gandeiro na rexión italiana de Lombardía, contará a experiencia da Società Agricola Ambrosini Vittorio, mentres que Román González Sanmartín, veterinario de SAT Prolesa, explicará como fan o manexo da recría nesta explotación de Sarria, unha das máis grandes da provincia de Lugo.

O programa das xornadas inclúe tamén outros temas, como o secado, o uso da penicilina como antibiótico ou a importancia da monitorización no manexo das explotacións.

Programa completo:

Xornadas_leite_2020_cartel.indd

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información