Primeiras analíticas da calidade da herba deste ano

Primeiras analíticas da calidade da herba deste ano

Equipo de CLUN cortando herba na Mariña

Os primeiros resultados das analíticas da calidade da herba deste ano xa están dispoñibles e confirman a baixada en xeral da materia seca debido ás peores condicións climatolóxicas para o presecado.

Así se desprende das análises provisionais do laboratorio dos Servizos Agronómicos de CLUN SCG referidas a parcelas da comarca da Mariña lucense e de pradeiras que foron segadas entre os días 17 e 24 de abril. Hai que matizar que estes primeiros datos están pendentes de ser confirmados polos resultados definitivos das análises do CIAM e do Laboratorio de Mouriscade,

“En xeral a porcentaxe de materia seca baixou respecto ao ano pasado, porque nos últimos días non fixo bo tempo e o presecado non foi o máis axeitado”, aseguran fontes dos Servizos Agronómicos de CLUN SCG.

Así, a materia seca sitúase nunha media do 30%, pero con importantes variacións, ao igual que Fibra Ácido Deterxente e a Proteína Bruta, que vai do 8,8 dalgunhas parcelas ao 15,9 doutras, é dicir, cunha diferencia de case o dobre.

A este respecto, dende a cooperativa galega destacan que “as diferencias nas porcentaxes de proteína da herba presentan variacións moi notables entre parcelas, e entre variedades, xa que algunhas pradeiras son de raigrass e trevo e noutros de cereal e leguminosas”.

A pasada campaña 2017 foi unha das mellores en Galicia en canto a calidade dos silos de herba, grazas en boa medida a unha climatoloxía que favoreceu o ensilado. Así, segundo os datos do Laboratorio de Mouriscade acadouse unha media de 13,1 de proteína bruta, cun 31,8 de materia seca, unha FAD que baixou ata o 34,8 e un 53,1 de FND.

Resultados das primeiras análises dos Servizos Agronómicos de CLUN SCG en parcelas da Mariña: 

ANALITICAS_HERBA_AMARIÑA

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información