Prezo medio de 2.134 euros na poxa de gando de Chantada

Prezo medio de  2.134 euros na poxa de gando de Chantada

Este sábado celebrouse a Poxa de Gando Frisón de Chantada, organizada por Africor Lugo, o concello de Chantada e a cooperativa AIRA. Vendéronse dezanove dos vinte presentados, onde as vacas paridas de recén foron maioría fronte as xovencas próximas ao parto.

O prezo medio foi de 2.134€, un nivel de prezo que non se vía dende o ano 2017. O volumen total de vendas acadou os 40.550€.

A vaca que obtivo o record de prezo foi a presentada pola gandería Carballo de Baixo, de Sarria, unha filla de Torrel de segundo parto, parida de novembro, cualificada MB85, que chegou aos 3.450€.

En xovencas próximas ao parto, a de maior prezo acadado, 2.200€, foi unha filla de Arion, presentada pola gandería Marey Castro, de Pol, preñada de xullo.

Nos dous casos os animais que acadaron os prezos máis altos son animais de alto valor xenético; é dicir, entre o dez por cento das mellores vacas a nivel estatal por índices xenéticos.

Con esta poxa iníciase o calendario de 2020, que continúa coa poxa de Moexmu o 4 de abril e segue coa poxa de Sarria do 9 de maio.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información