Galego
A XVIII Feira do Viño de Valdeorras xa ten os seus sete viños premiados e domingo déronse a coñecer nun acto no que estivo o presidente do Consello Regulador, José Vicente Solarat, o alcalde do Barco, Alfredo García e un membro do comité de cata, José Ramón Carlón.
A elección dos viños realizouse na cata que se celebrou o xoves, 9, e o venres, 10, na sede do Consello Regulador deValdeorras en Vilamartin coa presenza de 10 expertos e 34 viños que se presentaron a concurso das 16 adegas presentes na feira.
Gañadores XVI Cata da XVIII Feira do Viño de Valdeorras
Brancos
1º premio: Adega Santa Marta SAT co seu viño Viñaredo Godello
2º premio: Adega A Coroa SAT co seu viño A Coroa Godello
3º premio: Adega Guitián e Branco SC co seu viño D ´ Berna Godello
Tintos
1º premio: Adega Eladio Santalla Paradelo co seu viño Hacienda Ucediños mencia
2º premio: Adegas Ruchel SL co seu viño Ruchel Secretos mencia
3º premio: Adega Quinta da Peza SL co seu viño Quinta da Peza mencia
Mención especial Vinos doutras anadas
Adega Roandi SL co seu viño Domus Roandi 2011
Cata popular con éxito de público
Unha vez entregados os premios celebrouse unha cata popular dirixida pola sumiller, Mercedes González, no propio recinto feiral da Praza de Viloira. Os viños catados foron os gañadores da XVI Cata da Feira do Viño. A actividade contou coa asistencia de numeroso público que atenderon as explicacións dadas pola sumiller sobre as características de cada viño.
