A Pontenova revive a tradición cunha nova edición da Festa da Malla

Publicidade
A Pontenova revive a tradición cunha nova edición da Festa da Malla

Festa da Malla na Pontenova

O presidente da Deputación de Lugo e alcalde da Pontenova, Darío Campos Conde, acompañado dos veciños da vila, participou este sábado na IV Edición da Festa da Malla, coa que colabora o Goberno Provincial, e que tivo lugar a carón do Pozo da Ola.

Na xornada, que comezou ás 12:00 horas, incluíronse diversas actividades como demostracións con malles (un apeiro manual para bater o cereal e extraer o gran), despois houbo comida popular, na que participaron 200 veciños, e sesión vermú.

Campos Conde agradeceu a colaboración e o traballo de todos os veciños que participaron nesta nova edición “especialmente a Manolo de Prada, que foi o verdadeiro promotor desta cita, que xa celebra a súa cuarta edición”. “Para nós son importantisimas este tipo de iniciativas xa que contribúen a  promover e revalorizar as tradicións locais como sinais de identidade e atractivo da provincia”, destacou o alcalde e presidente provincial.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información