A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Pefc Galicia promove o emprego de produtos forestais procedentes de bosques sostibles

Pefc Galicia promove o emprego de produtos forestais procedentes de bosques sostibles

Na xornada amosouse tecido procedente de árbores con certificación forestal PEFC

Éxito rotundo nas accións organizadas pola Asociación Galega Promotora da Certificación Forestal, PEFC Galicia, o pasado venres 27 de setembro, cofinanciadas por XERA (Axencia Galega da Industria Forestal).

Iniciouse a mañá congregando a máis de 30 profesionais do sector forestal nunha Masterclass seguido dun Worksohp na que se analizaron e debatiron estratexias para fortalecer e comunicar con éxito unha marca de produtos forestais da man de Christopher Smith, experto en identidade corporativa e branding e Marta Salvador, directora Técnica de PEFC España. O acto de apertura correu a cargo de Ignacio Lema, Director de XERA.

Tecido procedente de árbores con certificación forestal PEFC

Pola tarde, deuse o pistoletazo de salida a un conxunto de proxectos que se desenvolverán xunto coa Escola de Arte e Superior de Deseño Mestre Mateo. En primeiro lugar fíxose entrega á Escola de tecido procedente de árbores con certificación forestal PEFC, é dicir, con garantías de que o monte é xestionado de forma sostible.

Este tecido PEFC, doado por Téxtil Santanderina S.A., primeiro produtor de tecidos certificados en Cadena de Custodia PEFC a nivel internacional, será empregado polos alumnos da escola para desenvolver os seus proxectos de deseño ao longo do curso. O obxectivo é promover o uso de materiais sustentables procedentes de bosques ben xestionados no mundo da moda.

O venres tarde celebrouse un seminario dirixido aos profesores da Escola Mestre Mateo para informar de primeira man a importancia de que o mundo da moda sexa cada vez máis sostible empregando tecidos que proceden de bosques e que teñen un consumo moi inferior de auga e enerxía no seu proceso de transformación.

PEFC xornada 1 PEFC xornada 2 PEFC xornada 3

Deixa unha resposta

O teu enderezo electrónico non se publicará Os campos obrigatorios están marcados con *