Galego
O último informe sobre as entregas de leite do mes de decembro, elaborado polo Fega (Ministerio de Agricultura), revela que España pechou o 2019 cun lixeiro aumento de produción do 1,5% no global do ano, acadando por primeira vez os 7,2 millóns de toneladas de leite producido. É un leve crecemento que chega nun contexto onde os principais países de referencia en Europa experimentaron leves baixadas de produción en relación ó ano anterior. É o caso por exemplo de Francia (-0,5%), Alemania (-0,3%), Portugal (-0,4%) ou Holanda (-1,5%).
No conxunto de Europa, a falta dun balance definitivo, a produción situábase nos primeiros 11 meses do ano un 0,5% por riba do ano anterior, con crecementos destacados en Polonia (+1,9%), Hungría (+1,9%), Gran Bretaña (+1,9%) e sobre todo Irlanda (+5,8%).
Prezos
Os prezos no mes de decembro caíron levemente a nivel estatal, pasando de 34 a 33,8 céntimos por Kg, pero mantéñense no tope de prezos dos últimos cinco anos. En Galicia, en cambio, subiu 0,1 céntimos, pasándose de 32,6 a 32,7 céntimos. Con todo, a comunidade segue á cola dos prezos pagados na España peninsular un mes máis.
En calidades do leite, como é habitual, Galicia encabeza a táboa en graxa, cun 3,94%, polo 3,84 de media no Estado. En proteína sitúase na media, 3,35 por unha media estatal de 3,36.
