Galego
Unha tese da Misión Biolóxica de Galicia conclúe que o esfollado precoz reduce a produción no viñedo e mellora a calidade aromática da uva e viño Albariño.
A autora do estudo, Iria Otero Mazoy, logrou o título de Doutora pola Universidade de Vigo tras a defensa da súa tese sobre o Efecto do esfollado precoz sobre os compoñentes da produción, a composición e calidade da uva e o viño da variedade Vitis vinífera Albariño obtendo a máxima cualificación de sobresaínte Cum Laude.
A Tese foi dirixida pola Doutora Mar Vilanova de la Torre, investigador da Misión Biolóxica de Galicia-CSIC, e polo Doutor Javier Tardáguila Laso, investigador do Instituto da Vide e o Viño (ICVV-CSIC) de La Rioja.
Os traballos de investigación foron desenvolvidos na Misión Biolóxica de Galicia e financiado pola pola Xunta de Galicia e o Instituto ecnolóxico- Alimentario de Extremadura (INTAEX).
A experiencia se desenvolvemento nunha parcela da variedade Albariño propiedade de Adegas Martín Códax e situada no Val do Salnés.
O esfollado precoz, unha técnica pioneira e innovadora
A regulación do rendemento do viñedo é unha cuestión importancia crecente na medida que aumenta a presión por producir uva de calidade a uns custos sostibles. Durante a historia da viticultura o obxectivo principal foi aumentar a produción das viñas, non obstante, hoxe en día esta situación cambiou dado que existen viñedos excesivamente produtivos nos que interesa diminuír os rendementos e, a ser posible, con acios pequenos e menos compactos.
Iria Otero, no centro.
O esfollado precoz é unha técnica pioneira e innovadora cuxo fin principal é regular a produción de uva. Esta técnica execútase arredor da floración, en oposición ao esfollado clásico onde a manipulación é máis tardía. Na súa investigación doutoral, Iria Otero tratou de verificar se o esfollado precoz sería unha técnica eficaz para regular a produción de uva e mellorar a calidade da uva e do viño.
Iria Otero realizou un esfollado en dúas épocas (pre-floración e callado) de forma manual na variedade Albariño, práctica que se realiza por primeira vez en variedades brancas en España.
O estudo considerou os efectos do esfollado precoz sobre o rendemento produtivo, a taxa de callado, o peso, número de bagas e compactidade do acio, así como sobre o estado sanitario dos froitos, e a súa composición tanto a nivel físico-químico e aromático, como o seu contido nitroxenado.
“Redúcese a produción pero aumentan a calidade aromática da uva”
Entre os resultados máis destacados da súa tese, a nova doutora sinala a significativa redución do rendemento produtivo acompañado dun aumento da calidade aromática da uva a nivel de monoterpenos, compoñentes que marcan a tipicidade da variedade Albariño, mellorando así o seu carácter floral e froiteiro.
Mellor realizar o esfollado en pre-floración
Respecto á época de esfollado, os maiores efectos na regulación da produción, así como na mellora da calidade da uva e do viño obtivéronse nas cepas esfolladas en pre-floración.
A investigación conclúe que o esfollado precoz pode ser unha novidosa, potente e eficaz técnica para regular o rendemento produtivo e mellorar notablemente a calidade da uva e do viño.
