Feria de Zaragoza acollerá desde o martes 19 ó venres 22 de marzo unha nova edición de Figan, o certame adicado á produción animal que se celebra cada dous anos, alternándose con Fima Agrícola. A feira contará cun total de 975 firmas expositoras, que amosarán todo o seu potencial tecnolóxico nunha superficie de máis de 86.000 metros cadrados de superficie expositiva.
O certame completarase con máis de medio cento de xornadas técnicas, nas que participarán empresas, asociacións e institucións. Sostibilidade e innovación serán os dous temas protagonistas das xornadas nesta edición de Figan. Contarase con foros específicos en sectores como o porcino e o vacún de carne, así coma cun foro de Veterindustria sobre as novidades nos reglamentos europeos en materia de medicamentos.