A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

New Holland pecha 2019 como líder en recolección agrícola en España

A marca encabeza as vendas en segmentos como empacadoras xigantes, vendimiadoras e recolectoras de oliveiras. En tractores, alcanzou unha cota de mercado dun 18%

New Holland pecha 2019 como líder en recolección agrícola en España

A marca ten unha cota de mercado do 36% en empacadoras xigantes.

New Holland consolídase como unha marca líder na agricultura española, cunha gama de produtos (tractores, colleitadoras, empacadoras, rotoempacadoras, vendimiadoras, telescópicas, gama de construción compacta e apeiros) que están entre as primeiras opcións de compra do sector.

No último ano, os resultados que presenta New Holland revélanse exitosos. A marca alcanzou unha cota de mercado en tractores dun 18%, sobre un total de 11.345 unidades. Na gama de tractores especiais, orientados a segmentos como o fruteiro e o de viñedo, New Holland sitúase de forma destacada, cun 22% de cota de mercado, consolidando a súa posición como marca que lidera a evolución da agricultura española cara cultivos de alto valor.

New Holland T4 110 N, nunha liña de froiteiras.

New Holland T4 110 N, nunha liña de froiteiras.

En cereal, o mercado de recolección sufriu unha caída xeral dun 30 % respecto ao 2018, caída relacionada principalmente á tendencia do mercado de ofrecer produto de maior capacidade. Esta tendencia acompáñase pola necesidade e esixencia dos clientes por un servizo de calidade superior, onde New Holland demostra a súa fortaleza como marca a través da súa rede de concesionarios profesionais e especializados na recolección.

Esta capacidade da firma europea tradúcese nunha cota de mercado dun 36% en empacadoras xigantes, aumentando tres puntos en relación a 2018 e incrementando a diferenza coa segunda posición.

En recolección de oliveiral e viña, New Holland é a indiscutible marca líder. A recolectora de oliveiral da marca ten unha cota de mercado practicamente do 100% e paralelamente mantense en viña cun 56 % de cota de mercado en 2019. Estes resultados fan que o negocio de recolección global en España (colleitadoras de cereal, empacadoras, recolectoras de oliveiral e vendimiadoras) estea encabezado por New Holland cun 40 % total do peso do mercado.

A maiores, New Holland ofrece produtos que completan a súa gama con telescópicas, enfocadas no sector agrícola profesional de altas prestacións, xuntamente con pas cargadoras e escavadoras lixeiras.

Colleitadora de cereal.

Colleitadora de cereal.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información