Medio Rural retirará do Banco de Terras 2.700 parcelas sen uso agrario

A Consellería transferirá ós Concellos parcelas da súa propiedade, como masas comúns de concentracións parcelarias, para que fagan un uso social das mesmas

Publicidade
Medio Rural retirará do Banco de Terras 2.700 parcelas sen uso agrario

Galicia perde de xeito progresivo terras agrarias.

Dos 12.500 predios que ten na actualidade o Banco de Terras, hai uns 2.700 sen uso agrario posible e que se retirarán do catálogo. A intención da Consellería é ceder aquelas parcelas que son da súa propiedade, como as masas comúns de concentracións parcelarias, ós correspondentes Concellos, co obxectivo de que fagan un uso social das mesmas.

A primeira actuación en tal sentido desenvolveuse onte coa transferencia ó Concello de Vedra (A Coruña) de 64 predios que pasan agora a ser de titularidade municipal. Espérase que o proceso se complete antes de final de ano cos restantes Concellos da comunidade.

Mobilidade de terras
En canto ás accións para poñer terras a disposición das explotacións agrarias, Medio Rural destacou que no 2020 terá rematadas as 130 concentracións parcelarias que están en proceso. Tamén traballa para impulsar o plan Marcos, un instrumento de reestruturación que pretende formentar a agrupación da propiedade a través de permutas voluntarias.

Outro dos proxectos da Consellería é a creación da Unidade de Asesoramento e Xestión de Explotacións (UAXE), unha nova oficina que principalmente buscará que a terra dos gandeiros que se retiren pase a outras granxas.

A conselleira do Medio Rural adiantou ademais onte que traballa na posta en valor de terras naqueles montes afectados por incendios en Cualedro e Oímbra. “Aí fíxérase unha concentración parcelaria, pero ano tras ano os incendios arrasan as terras, polo que a Xunta está estudando como poñelas a producir”, declarou Vázquez.

Por último, no Val do Lemos, a titular de Medio Rural sinalou que se quere establecer un sistema de mobilización de terras destinadas a granxas leiteiras. Neste caso, en colaboración coa Universidade de Santiago de Compostela e a Fundación Juana de Vega.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información