Importes definitivos das axudas asociadas a vacún de leite

Importes definitivos das axudas asociadas a vacún de leite

O Fondo Español de Garantía Agraria (FEGA) acaba de publicar os importes unitarios definitivos das axudas asociadas a vacún de leite, correspondentes á campaña 2019. Ascenden a 128 euros por animal, mentres que as explotacións situadas en zonas de montaña recibirán 146,5 euros por vaca.

O importe global ascende a 60.114.000 euros para a rexión España Peninsular e 31.238.000 euros para a rexión Insular e zonas de montaña, mentres que se repartiron 2.227.000 € para as axudas por dereitos especiais.

O importe das axudas por animal en cada unha das dúas rexións establecidas concédese por estratos, de modo que as primeiras 75 cabezas dunha explotación recibirán o importe unitario completo, mentres que as vacas distintas das 75 primeiras da explotación percibirán un 50% da axuda asociada.

Para a campaña 2019, o número de animais determinados que cumpren os requisitos establecidos para percibir a axuda ascenden a 568.705 respecto da rexión España peninsular e 237.161 en relación á rexión insular e zona de montaña, segundo se desagrega a continuación por comunidades autónomas e así como en cada tramo de degresividade (os primeiros 75 animais elixibles da explotación, dos seguintes animais elixibles da explotación), o que supón que os importes unitarios definitivos queden fixados en 127,99 €/animal para as explotacións situadas na rexión España peninsular e en 146,54 €/animal para as explotacións situadas na rexión insular e zonas montaña.

Estes importes unitarios definitivos aplícanse, tanto aos pagos pendentes como aos pagos complementarios aos xa realizados co importe unitario provisional.

Captura de pantalla 2020-03-24 a las 10.27.33

Axuda por Dereitos Especiais

En canto á axuda por dereitos especiais para a campaña 2019, o número de animais determinados que cumpren os requisitos establecidos para percibir a axuda ascenden a 12.979, segundo se desglosa a continuación por comunidades autónomas, o que supón que o importe unitario definitivo quede fixado en 171,58 euros/animal. Do mesmo xeito que sucede na axuda citada anteriormente, este importe unitario definitivo aplícase, tanto aos pagos pendentes como aos pagos complementarios aos xa realizados co importe unitario provisional.

Captura de pantalla 2020-03-24 a las 10.28.13

Malia as restricións e limitacións na actividade da administración que supón o estado de alarma decretado polo Goberno para protexer a saúde e seguridade dos cidadáns, conter a progresión da doenza e reforzar o sistema de saúde pública fronte á ameaza do COVID-19, as Comunidades Autónomas xa finalizaron os controis destas axudas e puideron facilitar ao FEGA o número de animais determinados en base ao cal se establece este importe unitario.

A partir deste momento, as Comunidades Autónomas poderán realizar o cálculo dos importes que corresponden a cada gandeiro e ordenar o pago destas axudas, sen prexuízo das limitacións e consecuentes atrasos na actividade administrativa que puidesen derivarse do estado de alarma. “O FEGA e as Consellerías competentes das Comunidades Autónomas están a facer todo o posible porque esta situación repercuta o menos posible na percepción das axudas da PAC por parte do sector agrícola e gandeiro”, destacan desde o FEGA.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información