¿En que Comunidades medra a superficie de viñedo?

Publicidade
¿En que Comunidades medra a superficie de viñedo?

Viñedos na DO. Valdeorras

Ao longo deste 2019 a superficie de viñedo de uva de transformación en España caeu un lixeiro -0,83%, até as 952.829 hectáreas, segundo a “Enquisa sobre Superficies e Rendementos de Cultivos ESYRCE” do Ministerio de Agricultura, Pesca e Alimentación (MAPA), con datos analizados polo Observatorio Español del Mercado del Vino (OeMv).

O ano 2010 foi o último no que a superficie de viñedo en España superou o millón de hectáreas. Con respecto ao ano 1980, primeiro da serie histórica, rexístrase un descenso do -42 %. Naquel ano, a superficie de uva de transformación en España era de 1.642.622 hectáreas. É dicir, nos últimos 39 anos, a superficie reduciuse en 689.793 ha.

Por comunidades autónomas, Castela A Mancha posúe a maior superficie de viñedo para uva de transformación, con 468.027 hectáreas en 2019, que supoñen o 49,1% da superficie total. Con respecto ao dato de 2018, rexistra unha caída do -1,2%, ou 5.782 hectáreas menos.

Séguenlle, de lonxe, Estremadura, con 85.785 ha e lixeira caída do -0,7%, Castela e León, con 69.970 ha (+2,3%) e a Comunidade Valenciana, con 60.927 ha (-0,6%). Cataluña é a quinta comunidade autónoma en superficie de viñedo con 56.422 hectáreas (+0,8%). A Rioxa, sexta no ranking, aumenta lixeiramente a súa superficie (+0,2%), até as 52.789 ha. É a última comunidade autónoma cuxa superficie de viñedo está por encima das 50.000 ha. A superficie do resto de comunidades está por baixo das 40.000 ha.

Respecto de 2018, cinco comunidades aumentaron a súa superficie de viñedo para uva de transformación, destacando Cantabria, que pasa de 14 ha a 25 ha e Castela e León, que aumenta un 2,3%. As outras tres, non chegan ao 1% de aumento: Cataluña (+0,8%), A Rioxa (+0,2%) e Navarra (+0,2%).

No lado contrario, destaca a caída rexistrada por Murcia (-7,1%), que reduce a súa superficie en 1.630 ha. En torno ao 2%, reducen a súa superficie Madrid, Andalucía e Galicia. E en torno ao 1%, Canarias, Baleares, Castela A Mancha e Aragón. Por baixo do 1%, caen Estremadura, Comunidade Valenciana e País Vasco.

VIÑEDO ESPAÑA SUPERFICIE 2019 1

Tipo de cultivo: secaño ou regadío

En canto ao tipo de cultivo, se é de secaño ou de regadío, os datos mostran que, das 952.829 hectáreas de viñedo uva de vinificación existentes en España en 2019, 566.303 hectáreas corresponden a secaño e 386.525 hectáreas, a regadío. É dicir, o 59,4% do total é secaño e o 40,6% restante, regadío.

Con respecto a 2018, o cultivo de secaño perdeu un -2,8%, mentres que o de regadío gaña presenza ao crecer un 2,2% (+8.504 hectáreas). Castela-A Mancha é a comunidade autónoma con maior superficie de uva de transformación de secaño con 230.512 hectáreas, o 40,7% da superficie total en España.

En 2019, por primeira vez, a superficie de regadío en Castela A Mancha (237.515 ha) supera á de secaño, ao medrar un 2,3%, por unha caída do secaño do -4,6%. Outras dúas comunidades, ademais de Castela A Mancha, Navarra e Baleares, posúen máis superficie en regadío que en secaño. En 2019, Galicia e Comunidade Valenciana son as comunidades que máis aumentaron a súa superficie de regadío, sendo Andalucía a que máis a reduciu (-11,5%).

En canto ao cultivo de secaño, onde máis se reduciu en 2019 foi en Murcia (-8,7%), Comunidade Valenciana (-5,7%) e Galicia (-3,6%). O maior crecemento preséntano Navarra (+10,8%) e Baleares (+5,4%).

Comparación 1980 – 2019

VIÑEDO ESPAÑA SUPERFICIE 2019 2

No ano 1980, España contaba cunha superficie de viñedo para uva de transformación de 1.642.622 hectáreas, case 690.000 hectáreas máis que as existentes en 2019. Do total de comunidades autónomas, a superficie só creceu en dúas delas, A Rioxa (+68,8%), onde aumentou en 21.524 hectáreas, e País Vasco (+53,9%), que crece en 4.669 hectáreas, ambas compartindo máis ou menos zona de cultivo.

Pola contra, a caída global lidéraa Castela-A Mancha, que pasou de máis de 756.800 hectáreas en 1980 a 468.027 en 2019 (-38,2%). Tamén cae notablemente a superficie en Andalucía (-79.887 ha), a Comunidade Valenciana (-79.038 hectáreas), Aragón (-71.599), hectáreas), Murcia (-51.205 ha), Castela e León (-50.173) e Cataluña (-46.038).

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información