Galego
A Unión de Pequeños Agricultores y Ganderos(UPA), na que está integrada o sindicato Unións Agrarias (UUAA, denuncia que “o gasóleo agrícola baixou o seu prezo moito menos que o petróleo do que se deriva e, o que é peor, os fertilizantes non só non reflectiron o mesmo descenso de prezo que os dos seus ingredientes, senón que, de feito, encarecéronse”. Por iso, instan á Comisión Nacional dos Mercados e a Competencia (CNMC) a que investigue esta cuestión “con urxencia”.
A situación máis “inxusta”, segundo UPA, dáse nos fertilizantes. “As materias primas dos fertilizantes e abonos baixaron en relación a 2014, caso da urea (-13,5%), o cloruro potásico (-5,57%) e, o que é máis importante, o gas natural (-26%)”. A única excepción é unha subida de apenas un 6% da roca fosfórica.
“Hai que ter en conta que máis do 53% dos fertilizantes consumidos en España son nitroxenados simples e neste caso a única materia prima que condiciona o seu prezo é o gas natural”, lembran desde UPA.
Neste sentido, desde a organización agraria “non se entende” que os prezos dos fertilizantes suban mentres que, con todo, o das súas materias primas baixa. “Concretamente incrementouse nun 2,7% o prezo dos fertilizantes entre o ano 2014 e o 2015, segundo o Ministerio de Agricultura, Alimentación e Medioambiente”, denuncian.
Descargar informe completo de custos elaborado por UPA
