A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Delagro ensaiará en 2018 un novo sistema de cultivo do millo forraxeiro

Delagro ensaiará en 2018 un novo sistema de cultivo do millo forraxeiro

Sementeira de millo con cobertura de plástico biodegradable

A cooperativa Delagro realizará en 2018 varios campos de ensaio en Galicia e na Cornixa Cantábrica cun novo sistema de cultivo do millo forraxeiro.

Así o acordaron o pasado martes os técnicos do departamento de produción vexetal de Delagro nunha reunión celebrada nas Pontes e á que tamén asistiron os técnicos de campo das cooperativas que forman parte de Delagro.

Neste sentido, e dentro da súa estratexia de innovación para mellorar o rendemento dos cultivos dos socios, analizouse un novo sistema de cultivo do millo forraxeiro para rexións húmidas e de clima tépedo.

O novo proceso, que xa está a ser aplicado con éxito en rexións de clima similar ao de Galicia e da Cornixa Cantábrica, caso de rexións de Francia, Alemaña, Chile e de Canadá, consiste en sementar o millo cubríndoo cunha fina capa de plástico biodegradable. Esta capa crea un efecto invernadoiro que mantén ás sementes protexidas nunha contorna favorable durante entre 4 e 6 semanas. Isto permite sementar millo en zonas máis frías e con ciclos máis produtivos.

Os datos que presentou a empresa que patentou este sistema son satisfactorios en canto a nascencia e produción, polo que Delagro decidiu realizar campos de ensaio en diferentes rexións da Cornixa Cantábrica e de Galicia para testar os seus resultados nas nosas condicións e comprobar se resulta rendible estender o seu uso.

Reunión dos técnicos de Delagro nas Pontes

Reunión dos técnicos de Delagro nas Pontes

Deixa unha resposta

O teu enderezo electrónico non se publicará Os campos obrigatorios están marcados con *