Galego
As mesas de prezos de Amio decidiron manter igual que na anterior sesión as cotizacións de todas as categorías e calidades de gando, tanto na IXP Ternera Gallega como no correspondente a gando de recría, abasto e vacún maior.
Os vogais da Mesa de Prezos de Abasto coincidiron en apreciar unha gran lentitude no mercado de gando para sacrificar, así coma no das femias e machos destetados de rubia galega para recría. O notable aumento da súa oferta provocou unha lixeira tendencia á baixa das cotizacións, segundo a Mesa.
En canto á asistencia de animais, esta semana entraron no recinto 2.659 reses. Houbo 1.236 cabezas de vacún menor, 320 de vacún mediano e 224 de vacún grande.
Máis información
– Táboa completa das cotizacións de Amio (24-8-2016)
