Baixada de prezos en Ternera Gallega e estabilidade no resto do gando

Os valores de referencia do gando marcados nas mesas de prezos de Amio manteñen esta semana a estabilidade salvo no caso de Ternera Gallega. A Mesa de Prezos da Indicación Xeográfica Protexida acordou un descenso de 3 céntimos en Suprema e de 2 céntimos en Ternera Gallega por unha diminución estacional da demanda, habitual nas épocas previas ó Entroido.

En canto ás cotizacións acordadas na Mesa de Prezos de Gando de Abasto, os vogais decidiron por unanimidade manter os valores da sesión anterior, tanto en gando de recría como no mediano e no vacún maior. A Mesa advirte certa mellora na madurez e na calidade da recría de raza Frisona, unha tendencia que, de continuar, acabará animando a demanda e reflectíndose nos prezos deste gando, segundo valoran os vogais.

A asistencia de gando á sesión de hoxe foi de 2.046 reses, 80 menos que a pasada semana. Houbo 1.649 cabezas de vacún menor (40 menos que a pasada semana), 221 de vacún mediano (11 menos) e 166 de vacún grande (18 menos).

Máis información
Táboa completa das cotizacións de Amio (20-II-2019).

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información