A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Presentación dos viños da DO Monterrei en Madrid

O consello regulador organiza no Casino da capital unha degustación dos brancos e tintos da denominación. O evento oriéntase á prensa especializada e a socios da instalación

Publicidade
Presentación dos viños da DO Monterrei en Madrid

Viñedo na DO Monterrei.

Este luns 15 de xaneiro, a denominación de orixe (DO) Monterrei organiza unha presentación dos seus viños no Casino de Madrid, nun acto no que se espera a presenza de arredor de 180 persoas, entre prensa especializada e socios da instalación.

A presentación incluirá unha exposición das características da denominación e dos seus viños, seguida por unha degustación posterior. Aos asistentes explicaráselles a historia, orografía, clima, solos e variedades de uva que hai na zona amparada pola DO Monterrei. Amosaránselles tamén os lagares rupestres que hai na comarca, que alberga a maior concentración en Galicia destas estruturas labradas en pedra, sumando máis de 50.

Os participantes no acto poderán a continuación degustar viños de todas as adegas embotelladoras de Monterrei, que se acompañarán de explicacións sobre as distintas tipoloxias de viños. O acto de Madrid constitúe o preludio da nova campaña promocional de Monterrei. “O obxectivo é reforzar a imaxe de marca, promocionar o territorio, establecer novas canles de comercialización e seguir impulsando o consumo de viños de Monterrei, tanto no sector da distribución como da restauración e consumidor final”, destaca a a presidenta da DO Monterrei, Lara da Silva.

O acto organizado polo consello regulador de Monterrei en Madrid é o primeiro no que a DO conta coa colaboración de produtos amparados por Galicia Calidade, “o que reafirma a nosa aposta pola excelencia”, valoran.

Sobre a DO Monterrei
A denominación de orixe Monterrei é unha das cinco DO vinícolas galegas. Confórmana 26 adegas do val de Monterrei, que abarca os concellos de Verín, Monterrei, Vilardevós, Riós, Oimbra e Castrelo do Val. Os viñedos da denominación ocupan 566 hectáreas de territorio, nas que traballan 426 viticultores.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información