José Luis Mateo elaborará un branco exclusivo con fermentación e crianza en cerámica

Publicidade
José Luis Mateo elaborará un branco exclusivo con fermentación e crianza en cerámica

José Luis Mateo

O recoñecido viticultor e adegueiro da Denominación de Orixe Monterrei, José Luis Mateo, da adega Quinta da Muradella, está a experimentar cun viño branco fermentaod e criado en cerámica, que se o resultado, é positivo prevé sacar ao mercado.

“ Xa tiña feito hai anos unha proba de fermentación en ánforas de barro, pero o resultado non fora o agardado. Desta volta trátase dunha elaboración experimental en cerámica, algo que xa teñen feito outros viticultores, neste caso nunha ánfora de 400 litros. É un viño monovarietal da variedade Dona Branca procedentes dun viñedo de Monterrei.”, explica o viticultor.

José Luis Mateo-con varias puntacións destacadas de críticos e revistas estadounidenses e españolas- visitou este martes o Museo do Viño de Galicia.

En canto á valoración desta vendima, destaca que “despois de tres anos moi malos, por fin tivemos unha colleita normal, polo que espero que podamos recuperarnos”.

Por último, durante a súa visita ao Museo do Viño de Galicia, Mateo destacou a “emoción” que lle producía “un edificio monumental íntegramente adicado ao viño”, e destacou que o que máis valora de todas as distincións recibidas é ter situado aos viños de Monterrei na mente dos mercados americanos.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información