Co obxectivo de darlle maior transparencia ao sector vitivinícola e controlar a cantidade de uva e de viño que se produce, o Ministerio de Agricultura, Alimentación e Medio Ambiente prevé que o 1 de setembro entre en vigor o Real Decreto sobre Declaracións Obrigatorias no Sector Vitivinícola, actualmente en fase de consulta pública.
A norma suporá un cambio importante establecendo un rexistro un rexistro de operadores no sector e un sistema de declaracións mensuais on line que será de competencia do MAGRAMA, aínda que xestionado en colaboración coas Comunidades Autónomas. As declaracións por parte dos viticultores e das adegas serán obrigatorias, con sancións en caso de incumprimento.
Ata agora a declaracións informativas eran de carácter voluntario, con rexistros por parte dalgunhas Comunidades Autónomas. No caso de Galicia, as declaracións de produción de uva e de viño realízanse a través dos Consellos Reguladores das cinco Denominacións de Orixe.
Este sistema unificado de información no sector vitivinícola, quedará adscrito ao Ministerio de Agricultura, Alimentación e Medio Ambiente, que será o responsable do seu funcionamento coordinado.
Precisamente esta semana, o secretario xeral de Agricultura e Alimentación do MAGRAMA, Carlos Cabanas, se reunión coa Organización Interprofesional do Viño de España (OIVE), constituída por ASAJA, COAG, UPA, Cooperativas Agroalimentarias e a FEV, para analizar o borrador do Real Decreto.
Segundo fontes do sector presentes na reunión, “o Ministerio quere que o Real Decreto entre vigor para esta vendima, polo que nos pediu que presentemos alegacións no prazo dunha semana para axilizar a tramitación”.
Segundo o MAGRAMA o apoio a esta proposta por parte da Interprofesional “é total, xa que considera moi necesaria para a transparencia e bo funcionamento do sector, e para a posta en marcha dunha extensión de norma”. Non obstante, o Ministerio recoñece que “se deben realizar algúns axustes técnicos por un lado e por outro avanzar na simplificación co fin de reducir as cargas burocráticas”
Algúns avances do Decreto
Declaración de colleita:
Todos os colleiteiros deberán presentar anualmente unha declaración de colleita, que se presentará ata o 10 de decembro de cada ano, ante o órgano competente da comunidade autónoma onde radiquen as parcelas de viñedo.
Declaracións mensuais dos operadores ( bodegueiros, almacenistas) do sector vitivinícola:
Deberán presentar mensualmente unha declaración por instalación directamente ou a través dos Consellos Reguladores, antes do día dez do mes seguinte ao que se refiran os datos.
Quedan exentos os socios ou membros dunha adega cooperativa suxeita á obriga de presentar unha declaración, que entreguen toda a súa produción á devandita adega cooperativa, aínda que se reserven unha pequena parte para obter mediante vinificación unha cantidade de viño inferior a 10 hectolitros (1.000 litros) destinada ao seu consumo particular.
Tampouco estarán obrigados a realizar esta declaración mensual os produtores que obteñan nas súas instalacións, mediante uva comprada, unha cantidade de viño inferior a 10 hectolitros (1.000 litros), non destinada á comercialización.
Factor de conversión da uva en viño:
Para a conversión das cantidades de uva en viño utilizarase o factor de 0’74 hectolitros de viño por cada 100 quilogramos de uva.
Incumprimento da obriga de declarar e sancións:
1. Os obrigados a presentar as declaracións recollidas no presente real decreto que non o fagan nos prazos establecidos, a falta dalgunha das declaracións obrigatorias así como os erros, inexactitudes ou omisións nelas que afecten ás características dos produtos ou mercadorías consignados, serán sancionados segundo a Lei 24/2003, do 10 de xullo, da Viña e do Viño.
2. Ademais do disposto no apartado 1 tamén será de aplicación, cando proceda, as penalizacións establecidas no artigo 18 do Regulamento (CE) n.º 436/2009 da Comisión, do 26 de maio de 2009.