Galego
A vendima 2016 comeza este luns na Denominación de Orixe Valdeorras. A primeira adega en facela será SAT Godeval, unha emblemática bodega da zona, que recentemente celebrou os seus 30 anos de actividade.
Os fenómenos meteorolóxicos adversos e a incidencia do mildiu nas cepas mermarán, previsiblemente, a cantidade de quilos de uva que se recollan na comarca, en relación ao ano pasado. Para axudar a paliar estes danos, o presidente do Consello Regulador da D.O. reclamou recentemente á Xunta a apertura dunha liña de axudas similar á aprobada para a Ribeira Sacra.
Malia a redución prevista na produción, con respecto á extraordinaria campaña da vendima de 2015, a calidade da uva na comarca seguirá sendo, un ano máis, “excelente”, segundo destaca Francisco García, presidente da D.O. Valdeorras.
