O sábado 8 de decembro, celébrase a XX Festa da Pisa da Castaña do Courel. Será na aldea de Froxán, no concello de Folgoso do Courel, onde se desenvolva esta tradicional pisa que cada ano atrae a centos de visitantes.
Programa:
11:30. Acendido do sequeiro e explicación do proceso de secado da castaña.
12:30. Demostración do pisado e abandoxado da castaña.
13:30. Pregón a cargo do actor Josito Portos.
14:00. Degustación do Menú do pisador (Prezo 12 Euros)
16:00. Mostra do aserrado da madeira con serra de aire
18:00 .- Foliada libre
Durante a xornada haberá música tradicional e baile, así como venda de artesanía e de produtos da zona. Tamén haberá carpas e servizo de pulpería e churrasco.
A Festa da Pisa da Castaña do Courel está organizada pola Asociación Fonte do Milagro, coa colaboración do Concello de Folgoso do Courel e da Deputación de Lugo..
Máis información nesta ligazón.