A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

New Holland presenta o seu proxecto conxunto para Galicia

Medio milleiro de persoas danse cita en Silleda nun evento programado pola marca cos seus concesionarios en Galicia e no Bierzo, Manto Maquinaria, Fariña Maquinaria, Ramón Lois, Guerra e Coberma

New Holland presenta o seu proxecto conxunto para Galicia

Foto de grupo do equipo de New Holland cos concesionarios da marca en Galicia.

O recinto feiral da Semana Verde acolleu un evento programado por New Holland para presentar o seu proxecto conxunto para Galicia. O obxectivo era trasladarlle ó sector agrario unha imaxe unificada da marca cos cinco concesionarios cos que opera en Galicia e no Bierzo, tras os cambios realizados nos últimos meses. New Holland aproveitou tamén para presentar en Silleda toda a súa gama de tractores, apeiros e maquinaria agrícola.

O evento congregou a arredor de medio milleiro de profesionais do agro, que se deron cita onte no pabellón 1 da Semana Verde. O acto contou coa participación do director xeral de New Holland España, Riccardo Angelini, que quixo poñer en valor a estrutura montada por New Holland en Galicia, Asturias, Cantabria e Bierzo.

“Un dos obxectivos do evento é explicarlle ben os profesionais a organización que temos en Galicia e no Bierzo, con Fariña Maquinaria, Manto Maquinaria, Coberma, Guerra e Ramón Lois, que son os cinco concesionarios que se ocuparán de desenvolver proxectos de New Holland neste territorio”, sinalou Angelini.

Tractor T7.225 AC, premio Tractor de España 2018.

Tractor T7.225 AC, premio Tractor de España 2018.

Novos modelos
A marca aproveitou o acto tamén para presentar toda a súa gama de produto, na que figura o recentemente nomeado ‘Tractor de España 2018’, o T7.225 AC, un novo modelo da gama T7 no que o xurado dos premios Tractor de España valorou a súa versatilidade, eficiencia e renovación do motor.

Tamén se presentaron en Silleda os novos T6 con transmisión Dynamic Command, unha transmisión intermedia entre a Powershift e a convencional. “A diferencia non está en velo, senón en probalo no campo. Por iso faremos demostracións de campo por diversos territorios de España”, anuncia Angelini.

En Silleda, a marca habilitou dous espacios para posibilitar o manexo dun tractor equipado con remolque e outro adicado a facer operacións con pacas de palla. New Holland levou tamén a Silleda rotoempacadoras de cámara xigante, que son agora unha “tendencia no mercado” -apunta Angelini-, e tractores de cabina baixa adaptados ó viñedo.

Liña de apeiros New Holland.

Liña de apeiros New Holland.

Apeiros
Outro dos puntos da exposición é a nova gama de apeiros de New Holland, unha liña na que a marca se está introducindo, sustituíndo coa súa propia marca a liña Kongskilde. “Sabemos que é un mercado moi competitivo, saturado e tamén somos conscientes de que os nosos concesionarios traballan con outras marcas. A nosa expectativa inicial é cubrir parte dos segmentos, como traballo en solo e forraxe, e facer investimentos para cubrir outra parte, como a de equipos de sementeira. Valoramos tamén entrar en equipos de pulverización”.

O evento celebrado en Silleda estivo organizado conxuntamente por New Holland cos seus concesionarios Manto Maquinaria (Lugo), Lois Maquinaria (Noia, A Coruña), Fariña Maquinaria (Carballo, A Coruña), Comercial Agrícola Guerra (Viana do Bolo, Xinzo de Limia) e Coberma (O Bierzo, León).

O director de New Holland España, Riccardo Angelini, no centro, cos concesionarios galegos.

O director de New Holland España, Riccardo Angelini, no centro, cos concesionarios galegos.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información