A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Foro New Holland de grandes empresas do sector agroalimentario

Foro New Holland de grandes empresas do sector agroalimentario

New Holland celebrou un foro con grandes empresas agrícolas e gandeiras.

New Holland organizou un foro con empresas do sector agroalimentario para analizar retos de futuro dos principais sectores agrarios, coma o gandeiro, o cerealista, o vinícola ou o olivareiro. O evento desenvolveuse durante a Convención Anual de Concesionarios oficiais de New Holland, celebrada recentemente en Córdoba.

Esta foi a primeira edición do foro de empresas do sector agroalimentario, que terá futuras edicións, e nel participaron Covap, con Antonio Quijada como ponente; o Grupo Solís, con José María Cabrera como ponente; Familia Torres, con Josep Amadó; e Todolivo, con Alfonso Gómez. Tamén interviu como representante da prensa Julián Mendieta, con máis de 50 anos de traxectoria no sector.

O vicepresidente de New Holland España, Alessandro Maritano.

O vicepresidente de New Holland España, Alessandro Maritano.

O evento foi presentado polo director xeral de New Holland España, Riccardo Angelini, e polo vicepresidente de New Holland España, Alessandro Maritano, quen fixo un repaso pola situación de mercado estatal e internacional e incidiu na importancia de que New Holland estea integrado nun grupo líder a nivel global como CNH Industrial.

A xornada, que se desenvolveu a modo de coloquio, permitiu que tódolos participantes fixeran unha primeira exposición analizando liñas estratéxicas de futuro e tendencias de investimentos dos seus segmentos de negocio. Outro punto de interese do encontro, ó que asistía o persoal da rede de concesionarios New Holland, foi abordar as necesidades e demandas de maquinaria, sobre todo en campos coma a agricultura de precisión e a xestión posventa e de recambios.

Deixa unha resposta

O teu enderezo electrónico non se publicará Os campos obrigatorios están marcados con *