Galego
Asistimos nos últimos tempos a un maior interese dos gandeiros polo uso de praderías e forraxes como base da alimentación do seu gando. As praderías e forraxes biodiversas, ricas en leguminosas demóstranse como a solución alimenticia máis adecuada para a rexión mediterránea.
A calidade nutritiva dos alimentos mídese polo contido en proteína, enerxía (medida en Unidades Forraxeiras, UF) e dixestibilidade. As praderías e forraxes biodiversos ricos en leguminosas son o alimento que máis facilmente reúne estes tres parámetros. E é que as praderías e as forraxes permiten obter producións de maior calidade a menor custo.
O alto contido de proteína destes cultivos é producido polas leguminosas, previamente inoculadas coas cepas de rhizobium adecuadas, permitindo fixar gran cantidade de nitróxeno atmosférico. É este nitróxeno responsable do aumento da produción e do contido proteico. E iso os gandeiros nótano.
Neste sentido, existen varias solucións de praderías e forraxeiras axustadas en función do clima, do chan da rexión, sempre en función das necesidades do gandeiro, vocación e potencial de cada leira.
30 fórmulas estándar para obter os mellores resultados
Fertiprado conta con máis de 100 variedades distintas das súas 30 especies dispoñibles, para poder formular correctamente os produtos en función das distintas condicións. Son preto de 30 formulas estándar, melloradas continuamente grazas aos resultados obtidos nas producións de ensaios propios e con distintos clientes.
A mellora do pasto con sementa de mesturas biodiversas de longa duración é un investimento que impacta positivamente e de forma continuada na rendibilidade da explotación, aumentando de tres a catro veces a produción de herba de calidade para pastoreo e elevando os niveis de fertilidade e a capacidade de retención de auga dos solos. É o sistema máis adecuado e competitivo de alimentar a gandería extensiva. A maior calidade nutritiva, corresponde unha mellor condición corporal, unha maior fertilidade dos animais e un mellor desenvolvemento das crías.
A maior rendibilidade obtense potenciando os sistemas de pastoreo, xa que é o gañado quen transforma a herba, restituíndo os nutrientes ao solo en forma de feces e ouriños. Son os sistemas máis eficaces polo seu baixo consumo de enerxía e tamén os máis económicos. Teñen como inconveniente o feito de que a calidade e dispoñibilidade do pasto é variable ao longo do ano e entre anos. Aínda así, tanto en verde como en pasto seco durante o verán, o valor nutricional é sempre moito máis alto ao dun pasto natural. Isto supón unha forte redución de consumo de pensos e de forraxes.
Lograr praderías produtivas e de calidade mellora a rendibilidade da explotación
As praderías de regadío son importantes porque producen cantidade, calidade e estabilidade. As fórmulas son distintas en función dos sistemas de rega, da dispoñibilidade e prezo da auga e enerxía. Son fundamentais nalgunhas fases da vida produtiva dos animais e en períodos do ano de maior dificultade no secaño. Son por iso estratéxicas.
Calquera alimento que se poida consumir no lugar de produción (na propia finca) terá sempre custos enerxéticos inferiores ao alimento de fóra da explotación.
Por outra banda, hai granxas máis intensivas, con parcelas distantes e con máis confinamento do gando que requiren unha forraxe de calidade. Baixan o consumo de pensos e os custos de adquisición de proteína, que provén particularmente da torta de soia, que non producimos en Europa.
Os cultivos forraxeiros anuais con fórmulas adecuadas a cada rexión (para secaño, ou con regas de apoio), producen moita forraxe entre o outono e primavera.
En Fertiprado traballamos con mesturas que se poden pastorear ao longo do seu ciclo, ou reservarse a partir de febreiro para segar e henificar ou ensilar. Cando queremos facer forraxe para un corte único de elevada produción e calidade, traballamos con outras mesturas máis adecuadas.
Mellorar a produción das fincas e granxas coa sementeira de pratenses é unha medida importante hoxe e no futuro. Máis produción, mellores solos e máis rendibilidade.
Tanto para consumo no prado, como para ensilado ou subministro en verde, os cultivos forraxeiros teñen unha rendibilidade interesante. De feito, a calidade que producen, asociada á baixa utilización de abonos nitroxenados converten estes produtos nun elemento de competitividade.
