A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Farming Agrícola reintroduce Steyr, marca austriaca de tractores, en España

Farming Agrícola  reintroduce  Steyr, marca  austriaca de tractores, en España

Steyr busca posicionarse no segmento premium de tractores.

A marca austriaca de tractores Steyr desembarca de novo na Península Ibérica co obxectivo de posicionarse no segmento premium do mercado de tractores, baseándose na reputación da marca. A empresa palentina Farming Agrícola será a encargada de distribuír en exclusiva a marca de tractores austriacos en España e Portugal. O acordo de distribución asinouse a principios de febreiro por parte de Juan Carlos Delgado, propietario e administrador único de Farming Agrícola, e Xavier Autonell, director xeral de Steyr Iberia.

Farming Agrícola, que nos próximos meses abrirá unha instalación en Ordes (A Coruña), é unha empresa de tradición familiar e conta con case 40 anos de experiencia na comercialización de marcas de maquinaria agrícola punteiras no mercado. Actualmente, cos seus 80 traballadores, ofrece solucións globais para a agricultura e gandería a través das súas filiais e da súa propia rede de distribuidores ao longo e ancho da península.

Juan Carlos Delgado, de Farming Agrícola.

Juan Carlos Delgado, de Farming Agrícola.

Características de Steyr
A pesar de que a marca Steyr leva algún tempo sen actuar no mercado ibérico e de que a súa comercialización nos últimos anos limitouse á súa división forestal, Steyr segue mantendo unha extraordinaria aceptación entre os agricultores españois e portugueses no segmento máis profesional da maquinaria agrícola. “A nosa misión é ofrecer a maior calidade e innovación aos nosos clientes. Apostamos por fabricantes cunha sólida tradición e que prioricen o investimento en I+D. Por iso, estamos profundamente satisfeitos de poder incluír na nosa oferta de produtos a marca Steyr”, apunta Juan Carlos Delgado, de Farming Agrícola.

Xavier Autonell, director xeral de Steyr Iberia, subliña o gran entusiasmo do seu equipo ante esta nova oportunidade: “somos coñecedores de que a marca Steyr ten unha excelente imaxe en España e Portugal e iso fai que nos alegremos aínda máis de recuperar esta marca para satisfacer as necesidades destes agricultores”.

Autonell engade: “ Farming Agrícola é unha empresa recoñecida por atender as necesidades de clientes premium, en liña cos valores da marca Steyr. Estamos convencidos de que a súa profesionalidade e a súa experiencia en maquinaria agrícola serán unha vantaxe para relanzar esta prestixiosa marca no noso mercado”.

Steyr dará a coñecer a súa gama de tractores ao gran público en Demoagro 2019, a maior demostración de maquinaria agrícola en campo, que se celebra en España cada dous anos con carácter itinerante e que este ano se despraza a Huesca durante os días 21, 22 e 23 de maio.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información