A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Dekalb presenta en Arzúa as súas próximas novidades en cultivo de millo

Dekalb e Bayer presentaron esta mañá en Burres (Arzúa) as súas próximas novidades tanto en sementes como en herbicidas para o cultivo do millo.

A xornada, organizada pola tenda agraria Botica do Campo, desenvolveuse nunha finca de ensaio na aldea de Burres, sementada o 2 de maio e na que se ensaiaron 16 variedades de millo de Dekalb, dende os ciclos 400 aos 600, e seis delas foron variedades experimentais.

O evento congregou a preto de 100 gandeiros procedentes principalmente das comarcas de Arzúa, Melide e Santiago. Por parte de Dekalb, firma pertencente a Monsanto, e que á súa vez foi adquirida o pasado ano pola multinacional alemá Bayer, interviron Marcial Costoya, xerente para a Cornixa Cantábrica, Galicia e León; Pablo Amado, asesor agronómico para a zona centro da provincia da Coruña, e Marcos García, tamén asesor agrónomo de Dekalb. Por parte de Bayer, a charla foi impartida por Montserrat Vázquez, delegada para Galicia e Asturias.

Acceleron: Sementes con bioestimulantes para absorver mellor a auga e os nutrientes

Como principal novidade para o próximo ano, os responsables de Dekalb presentaron Acceleron, a nova xeración de sementes que permiten unha mellor adaptación dos cultivos ao cambio climático, permitindo lograr colleitas máis uniformes e con maiores rendementos de materia seca.

Para iso, as sementes de millo están recubertas cun funxicida protector, cunha lámina que favorece o seu deslizamento na sementadora e por tanto sementeiras máis regulares, e cun bioestimulante que impulsa o desenvolvemento de micorrizas nas raíces do millo, co que se logra incrementar a capacidade de aborción de nutrientes e de auga por parte da planta, algo moi importante para o cultivo en secaño.

Por último, explicouse o novo sistema de Dekalb para o seguimiento por satélite da evolución do cultivo en cada parcela, o FieldView, de uso gratuíto, e Montserrat Vázquez fixo un repaso polos herbicidas para millo cos que conta Bayer e cales son as recomendacións para cada un deles.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información