A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

De Heus Nutrición Animal promociona os beneficios do seu plan de recría de xovencas

A firma de pensos patrocina o 38 Concurso Nacional de Conafe de raza frisona, que se celebrará no marco da feira Agropec

De Heus Nutrición Animal promociona os beneficios do seu plan de recría de xovencas

Para axudar ás xovencas durante o seu crecemento, seguindo a estratexia de alimentación máis óptima e axeitada á situación empresarial concreta de cada gandeiro, a multinacional De Heus Nutrición Animal conta co Plan KALIBER de Recría de Xovencas, e que esta semana traerá, a AGROPEC, a Feira do Campo e das Industrias Agrícolas, Gandeiras, Forestais e Pesqueiras, que se celebra en Xixón.

O obxectivo de De Heus é ofrecer a profesionais información de primeira man sobre as vantaxes e beneficios do seu plan Kaliber. Todos os gandeiros desexan preservar a saúde das súas vacas leiteiras e garantir así unha produción óptima. A investigación demostrou que os animais que desenvolven un bo esqueleto sen engordar teñen unha maior capacidade produtiva durante a súa vida.

O Plan de Recría de Xovencas Kaliber é un ambicioso programa de cría baseado en anos de coñecemento e experiencia. Céntrase nos 24 meses de vida do animal e está deseñado para recriar xovencas dunha maneira saudable e económica.
Gandeiros, agricultores e empresas do sector agropecuario procedentes de distintos puntos de España chegan a Xixón para participar nunha nova edición da feira AGROPEC 2017, que se celebrará desde o 29 de setembro ao 1 de outubro no Recinto Feiral Luís Adaro.

Sobre De Heus
De Heus, con sede en Ede (Países Baixos) é unha empresa familiar especializada no desenvolvemento, produción e comercialización de produtos de alimentación para animais. Desde a súa fundación en 1911, a compañía medrou ata converterse nun dos principais actores da industria de pensos compostos a nivel mundial.

A finais de 1990, De Heus iniciou un proceso de expansión internacional que a levou a estar presente en máis de 50 países, a través de empresas propias en Países Baixos, Polonia, Rusia, a República Checa, Exipto, Etiopía, Sudáfrica, Brasil, Vietnam, Serbia e España; de alianzas estratéxicas, como a acadada con Wellhope Agri-Tech Co Ltd para o mercado chinés; ou mediante a exportación dos seus produtos a diversos mercados, especialmente de Europa do Leste, África e Oriente Medio.

A compañía conta na actualidade con 4.200 empregados en todo o mundo, 500 deles en España, e exporta os seus produtos a 50 países.

Deixa unha resposta

O teu enderezo electrónico non se publicará Os campos obrigatorios están marcados con *